Kataloniyaning “Barselona” klubi bosh murabbiyi Xavi Ernandes joriy mavsum “Atletiko”dan ijara asosida jamoada o‘ynayotgan hujumchi Joau Feliksning kelajagi borasida bir qarorga keldi.
El Chiringuito telekanali ma’lumotlariga ko‘ra, Xavi keyingi mavsumda Feliksni o‘z safida ko‘rishni istamayapti. "Barselona" bosh murabbiyi yozgi transfer oynasida jamoaga yanada sifatliroq futbolchi olishni istaydi. Avvalroq, Xavi Feliksning beqaror o‘yinlaridan qoniqmayotgani haqida xabarlar tarqalgan edi.
24 yoshli Joau joriy mavsum Ispaniya chempionatida 3 ta gol urdi va ikkita golli uzatmani amalga oshirdi.
