Каталониянинг “Барселона” клуби бош мураббийи Хави Эрнандес жорий мавсум “Атлетико”дан ижара асосида жамоада ўйнаётган ҳужумчи Жоау Феликснинг келажаги борасида бир қарорга келди.
El Chiringuito телеканали маълумотларига кўра, Хави кейинги мавсумда Феликсни ўз сафида кўришни истамаяпти. "Барселона" бош мураббийи ёзги трансфер ойнасида жамоага янада сифатлироқ футболчи олишни истайди. Аввалроқ, Хави Феликснинг беқарор ўйинларидан қониқмаётгани ҳақида хабарлар тарқалган эди.
24 ёшли Жоау жорий мавсум Испания чемпионатида 3 та гол урди ва иккита голли узатмани амалга оширди.
