Myunxenning «Bavariya» klubi «PSJ»ning 26 yoshli himoyachisi Nordi Mukieleni sotib olish opsiyasi bilan ijaraga olmoqchi.

Bu haqda taniqli jurnalist va insayder Florian Plettenberg X ijtimoiy tarmog‘ida (sobiq Tvitter) xabar berdi.

Manbaning xabariga ko‘ra, futbolchining o‘zi Myunxenga o‘tishga tayyor. Klublar o‘rtasidagi muzokaralar davom etmoqda.

Eslatib o‘tamiz, avvalroq parijliklar Yozua Kimmix evaziga "Bavariya"ga o‘zining o‘ng qanot himoyachisi Nordi Mukieleni, shuningdek, katta miqdorda pul taklif qilishga tayyorligi haqida xabar berilgan edi.

Joriy mavsumda 26 yoshli Mukiele barcha musobaqalarda 10 ta uchrashuvda ishtirok etib, bitta golli uzatmani amalga oshirdi.

Transfermarkt portalida berilgan ma’lumotlarga ko‘ra, futbolchining bozor qiymati 12 million yevroni tashkil qiladi.