Mbappe uzoq vaqtdan beri "Real Madrid"ning asosiy maqsadi bo‘lib kelganini hamma biladi va so‘nggi ikki hafta ichida uning kelajagi haqidagi mish-mishlar yangi kuch bilan tarqala boshladi. Ammo, agar Kilian bu yozda «PSJ»da qolsa, ko‘plab OAV ma’lumotlariga ko‘ra, "Los Blankos" boshqa elit hujumchi - Erling Xolandga o‘tadi.

Madrid klubi ingliz klublariga nisbatan qulay holatda. AS xabariga ko‘ra, "Manchester Siti" o‘z yulduzini xorijga 200 emas, 100 million yevroga sotadi, bu "Real" uchun juda foydali summa. Har ehtimolga qarshi madridliklar Xolandning transferi uchun zamin tayyorlamoqda va uning futbolchilaridan biri bu borada klubga yordam bermoqda.

Nufuzli jurnalist Manu Karrenyo Cadena Cer'ga Jude Bellingem Erling bilan muntazam muloqot qilib turishini va uni Madridga ko‘chib o‘tishga ko‘ndirayotganini aytdi:

“Bilishimcha, Bellingem va Xoland deyarli har hafta gaplashishadi. Ular Dortmunddan bir-birlarini yaxshi bilishadi.

Bellingem unga qo‘ng‘iroq qiladi va "Real Madrid"ga o‘tishini so‘raydi. Aftidan, Xoland Manchesterni yoqtirmaydi", – degandi jurnalist.

Angliyalik yarim himoyachi aynan Vinisius bilan bir xil ish qilyapti, u muntazam ravishda Jud bilan Madridga o‘tish haqida gapirib turardi. Bellingem bu taktika ishlayotganini o‘z tajribasidan biladi.