"Bavariya" bosh murabbiyi Tomas Tuxel endi klublar uchun transfer bozorida ishlash qiyinlashganini tan oldi.
“Sabr - bu mening eng kuchli fazilatim emas. Har bir murabbiy har doim transfer oynasining birinchi kunidayoq o‘zi xohlagan futbolchilarni olishni istaydi, lekin bu hech qachon amalga oshmaydi. Men avvalgiga qaraganda ancha sabrli bo‘ldim. Bilasizmi, transfer bozorida ishlash qiyinlashdi. Ancha qiyinroq. Lekin biz har doim shu yo‘nalishda ishlashga harakat qilamiz", - dedi Tuxel.
Joriy mavsumda Bundesliganing 15-turidan keyin “Bavariya” peshqadam “Bayer”dan 4 ochko ortda qolgan holda turnir jadvalida ikkinchi o‘rinda bormoqda.
