Dortmundning "Borussiya" klubi "Manchester Yunayted"dan vinger Jeydon Sanchoni ijaraga olganini e’lon qildi.
“Bugun kiyinish xonasiga kirganimda, o‘zimni uyga kelgandek his qildim. Men klubni ichkaridan ham, tashqaridan ham yaxshi bilaman, men bu yerdagi muxlislarga doim yaqin bo‘lganman va klub rahbariyati bilan hech qachon aloqani uzmaganman.
Jamoadoshlarimni yana ko‘rishni, maydonga tushishni va yuzimda tabassum bilan futbol o‘ynashni sabrsizlik bilan kutyapman. Men gol urishni, gol urishga yordam berishni va jamoaga Chempionlar ligasiga yo‘l olishiga yordam berishni xohlayman", - dedi Sancho.