"Yuventus" ustozi Massimiliano Allegri klubning transfer bozoridagi ishlari haqida gapirdi.
Mish-mishlarga qaraganda, "keksa sinyora" rahbariyati qishki transfer oynasida yangi yarim himoyachi bilan shartnoma imzolashdan manfaatdor, biroq Allegri tarkibni kuchaytirishni zarur deb hisoblamaydi.
"Klub tarkibimizga mos keladigan futbolchini topish uchun vaziyatni o‘rganmoqda. Agar hech kim bilan shartnoma imzolamasak, bu muammo emas, men hozirgi jamoadan juda mamnunman.
Rahbariyat nima qilish kerakligini aniq biladi, lekin ba’zida mashinani yaxshi ishlashiga urinish faqat qiyinchiliklarni kuchaytirishi mumkin. Menga futbol o‘ynashni biladiganlar yoqadi va ular "Yuventus" yoshlar jamoasida yetarlicha", - deya qo‘shimcha qildi Allegri Football Italia bilan suhbatda.
