"Ювентус" устози Массимилиано Аллегри клубнинг трансфер бозоридаги ишлари ҳақида гапирди.
Миш-мишларга қараганда, "кекса синьора" раҳбарияти қишки трансфер ойнасида янги ярим ҳимоячи билан шартнома имзолашдан манфаатдор, бироқ Аллегри таркибни кучайтиришни зарур деб ҳисобламайди.
"Клуб таркибимизга мос келадиган футболчини топиш учун вазиятни ўрганмоқда. Агар ҳеч ким билан шартнома имзоламасак, бу муаммо эмас, мен ҳозирги жамоадан жуда мамнунман.
Раҳбарият нима қилиш кераклигини аниқ билади, лекин баъзида машинани яхши ишлашига уриниш фақат қийинчиликларни кучайтириши мумкин. Менга футбол ўйнашни биладиганлар ёқади ва улар "Ювентус" ёшлар жамоасида етарлича", - дея қўшимча қилди Аллегри Football Italia билан суҳбатда.
