"Manchester Yunayted" bosh murabbiyi Erik ten Xag jamoa vingeri Antoni o‘yini haqida gapirdi. Niderlandiyalik mutaxassis braziliyalik futbolchining unchalik muvaffaqiyatli bo‘lmagan o‘yinlarini maydon tashqarisidagi muammolar bilan bog‘ladi.
"Menimcha, maydon tashqarisidagi muammolar Antonining yaxshi o‘ynashiga to‘sqinlik qilmoqda. Muammolar, albatta, Antoniga ta’sir qildi, shuning uchun u ular bilan shug‘ullanishi kerak. U murakkab vaziyatni o‘zi yaratgan va ularni hal qilishi kerak. Biz uni har tomonlama qo‘llab-quvvatlaymiz, lekin u o‘zini yaxshilashi kerak”, — dedi ten Xag.
Eslatib o‘tamiz, 2023 yilning 10 sentyabrida Antoni sevgilisi uni zo‘ravonlikda ayblagani uchun “Manchester Yunayted”dan chetlashtirilgan edi. Biroq oradan bir necha hafta o‘tib inglizlar jamoasi qanot hujumchisini tarkibga qaytardi.
