Turkiyaning Antalya shahrida yangi mavsumga tayyorgarlik ko‘rayotgan "Neftchi" jamoasi bugun dastlabki o‘rtoqlik, ya’ni nazorat uchrashuvini boshlaydi. Bu bahsda jamoa Qozog‘istonning "Aktobe" klubi bilan kuch sinashadi. Jamoalar ilgaritdan bir birini yaxshi biladi. Sovet davridagi mamlakat birinchiligida ikkala jamoa  ikkinchi liga musobaqalarida sakkiz marta bir biri bilan yuzlashgan. Bu uchrashuvlarda farg‘onaliklar 4 marta, qozog‘istonliklar esa 3 marta g‘oliblikni qo‘lga kiritgan. Bitta bahs durang natija bilan tugagan.

"Aktobe" futbol klubi 1967 yilda tashkil topgan. Qozog‘iston mustaqillikka erishgach, mamlakat futbol musobaqalarida faol qatnashib kelgan jamoa yetakchi o‘rinlarni egallab 5 marta chempion bo‘lgan, 4 marta kumush va 4 marta bronza medalini qo‘lga kiritgan. Bir marta Qozog‘iston respublikasi kubogi sohibi bo‘lgan.

Bugun "Neftchi" Qozog‘istonning ana shu mashhur klubi bilan nazorat-sinov bahsini o‘tkazish uchun maydonga tushadi. Uchrashuv Toshkent vaqti bilan soat 17:00da boshlanadi.