"Barselona"ning sobiq himoyachisi, hozirda "Nissa"da o‘ynayotgan Jan-Kler Todibo ingliz klublari orasida talabga ega. Liverpool Echo xabariga ko‘ra, futbolchi "Manchester Yunayted" va "Liverpul" qiziqishlari doirasida.
Manbaga ko‘ra, himoyachi mankunianliklardan ko‘ra mersisaydliklar klubiga o‘tishga ko‘proq moyil. Todibo o‘zi yaxshi do‘stona munosabatlarga ega bo‘lgan vatandoshi Ibrohima Konate bilan jamoadosh bo‘lmoqchi.
Fransiya chempionatining joriy mavsumida himoyachi Liga 1da 14 ta o‘yin o‘tkazib, bitta golli uzatmani amalga oshirdi. Futbolchining transfer qiymati 35 million yevroga baholanmoqda.