"Барселона"нинг собиқ ҳимоячиси, ҳозирда "Ницца"да ўйнаётган Жан-Клер Тодибо инглиз клублари орасида талабга эга. Liverpool Echo хабарига кўра, футболчи "Манчестер Юнайтед" ва "Ливерпуль" қизиқишлари доирасида.
Манбага кўра, ҳимоячи манкунианликлардан кўра мерсисайдликлар клубига ўтишга кўпроқ мойил. Тодибо ўзи яхши дўстона муносабатларга эга бўлган ватандоши Иброҳима Конате билан жамоадош бўлмоқчи.
Франция чемпионатининг жорий мавсумида ҳимоячи Лига 1да 14 та ўйин ўтказиб, битта голли узатмани амалга оширди. Футболчининг трансфер қиймати 35 миллион еврога баҳоланмоқда.
