Londonning "Chelsi" klubi hujumchi pozisiyasini mustahkamlash uchun qisqa muddatli variant qidirmoqda.
Klubning asosiy maqsadlari Viktor Osimxen va Ivan Touni yanvar oyida 100 million yevrodan oshib ketishini hisobga olgan holda, "ko‘klar" bor e’tiborini boshqa o‘yinchilarga qaratishga qaror qilishdi.
Jurnalist Mett Louning ma’lumotlariga ko‘ra, "Chelsi"da so‘nggi olti oyni Saudiya Arabistonida o‘tkazgan ikki hujumchi varianti bor.
Gap "Real"ning sobiq hujumchisi Karim Benzema va "Liverpul"ning sobiq hujumchisi Roberto Firmino haqida ketmoqda.
Ikkala futbolchi ham Saudiya Arabistonidagi hayotdan norozi va Yevropaga qaytishni xohlaydi.
"Chelsi" ushbu futbolchilardan birini mavsum oxirigacha ijaraga olish imkoniyatini ko‘rib chiqmoqda.