Rossiya terma jamoasi va “Manchester Yunayted”ning sobiq hujumchisi Andrey Kanchelskis portugaliyalik Joze Mourinyoning “Roma” bosh murabbiyligidan ketganiga izoh berdi.
“Mavsum o‘rtasida kimnidir ishdan bo‘shatish g‘alati, buni oxirida qilish to‘g‘riroq bo‘lardi. Mourinyo albatta ishsiz qolmaydi. Joze o‘tmishda o‘zi uchun yaxshi imidj yaratgan. U hamma joyda ish topadi”, dedi Kanchelskis.
Rim klubi Italiya chempionatida mavsumning birinchi yarmini omadsiz o‘tkazdi. 20 turdan keyin jamoa 29 ochko jamg‘arib, turnir jadvalida 9-o‘rinni egallab turibdi.
