Россия терма жамоаси ва “Манчестер Юнайтед”нинг собиқ ҳужумчиси Андрей Канчелскис португалиялик Жозе Моуриньонинг “Рома” бош мураббийлигидан кетганига изоҳ берди.
“Мавсум ўртасида кимнидир ишдан бўшатиш ғалати, буни охирида қилиш тўғрироқ бўларди. Моуриньо албатта ишсиз қолмайди. Жозе ўтмишда ўзи учун яхши имидж яратган. У ҳамма жойда иш топади”, деди Канчелскис.
Рим клуби Италия чемпионатида мавсумнинг биринчи ярмини омадсиз ўтказди. 20 турдан кейин жамоа 29 очко жамғариб, турнир жадвалида 9-ўринни эгаллаб турибди.
