"Beshiktosh" himoyachisi Valentin Rozye tez orada "Nissa"ga o‘tadi. Bu haqda jurnalist Fabrisio Romano X ijtimoiy tarmog‘ida (sobiq Tvitter) xabar berdi.

Manbaga ko‘ra, klublar 27 yoshli himoyachini joriy mavsum oxirigacha ijaraga olinishiga kelishib olgan.

Shartnoma futbolchini sotib olish majburiyatini ham o‘z ichiga oladi. Futbolchi 17-yanvar, chorshanba kuni yangi jamoaga o‘tish uchun tibbiy ko‘rikdan o‘tadi.

Rozye 2020 yildan beri “Beshiktosh” safida to‘p tepmoqda. Joriy mavsumda himoyachi istanbulliklar safida barcha turnirlarda 19 o‘yin o‘tkazib, bitta golli uzatmani amalga oshirgan. Futbolchining amaldagi klubi bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 5 million yevroni tashkil qiladi.