"Бешиктош" ҳимоячиси Валентин Розье тез орада "Ницца"га ўтади. Бу ҳақда журналист Фабрицио Романо Х ижтимоий тармоғида (собиқ Твиттер) хабар берди.

Манбага кўра, клублар 27 ёшли ҳимоячини жорий мавсум охиригача ижарага олинишига келишиб олган.

Шартнома футболчини сотиб олиш мажбуриятини ҳам ўз ичига олади. Футболчи 17-январь, чоршанба куни янги жамоага ўтиш учун тиббий кўрикдан ўтади.

Розье 2020 йилдан бери “Бешиктош” сафида тўп тепмоқда. Жорий мавсумда ҳимоячи истанбулликлар сафида барча турнирларда 19 ўйин ўтказиб, битта голли узатмани амалга оширган. Футболчининг амалдаги клуби билан шартномаси 2025 йилнинг июн ойи охиригача амал қилади. Трансфермаркт интернет порталига кўра футболчининг тахминий нархи 5 миллион еврони ташкил қилади.