Sayyoramizning eng yaxshi hujumchilaridan biri, "Napoli" va Nigeriya terma jamoasi hujumchisi Viktor Osimxendan Angliya Premyer-ligasida o‘ynash rejalari haqida so‘rashdi.
“Albatta, bir kun kelib men Premyer-ligada o‘ynashni xohlardim. Ammo hozirgi faoliyatim uchun boshqa rejalarim bor.
Vaqti kelganda hamma bilib oladi", - deya Viktorning so‘zlarini keltiradi Sky Sports.
Eslatib o‘tamiz, Osimxenning "adzurrilar" bilan shartnomasi 2026 yilning 30 iyuniga qadar tuzilgan.
Joriy mavsumda nigeriyalik futbolchi o‘z klubi safida barcha turnirlarda sakkizta gol urdi va uchta golli uzatmani amalga oshirdi.
Transfermarkt uni 110 million yevroga baholamoqda.