"Chelsi" himoyachisi Trevo Chaloba "Fulxem"ga o‘tishi mumkin.
Jurnalist Florian Plettenberg xabariga ko‘ra, "Fulxem" 24 yoshli futbolchini qishki transfer oynasida ijaraga olmoqchi.
Ma’lum qilinishicha, "Fulxem" shartnomaga majburiy sotib olish bandini kiritishni rejalashtirmayapti, balki Chalobaning o‘yiniga baho berib, yozda yakuniy qarorni qabul qilmoqchi.
Avvalroq, Chalobaga Angliya premyer-ligasining boshqa bir klubi «Manchester Yunayted» da’vogarlik qilayotgani haqida ma’lumotlar paydo bo‘lgandi.
Himoyachining "Chelsi" bilan amaldagi shartnomasi 2028 yilning o‘rtalariga qadar tuzilgan. Transfermarkt portali futbolchining narxini 18 million yevroga baholagan.
