"Челси" ҳимоячиси Трево Чалоба "Фулхэм"га ўтиши мумкин.
Журналист Флориан Плеттенберг хабарига кўра, "Фулхэм" 24 ёшли футболчини қишки трансфер ойнасида ижарага олмоқчи.
Маълум қилинишича, "Фулхэм" шартномага мажбурий сотиб олиш бандини киритишни режалаштирмаяпти, балки Чалобанинг ўйинига баҳо бериб, ёзда якуний қарорни қабул қилмоқчи.
Aввалроқ, Чалобага Aнглия премьер-лигасининг бошқа бир клуби «Манчестер Юнайтед» даъвогарлик қилаётгани ҳақида маълумотлар пайдо бўлганди.
Ҳимоячининг "Челси" билан амалдаги шартномаси 2028 йилнинг ўрталарига қадар тузилган. Transfermarkt портали футболчининг нархини 18 миллион еврога баҳолаган.
