Kanadaning "Toronto" klubi hujumchisi Federiko Bernardeski ilgari 5 yil o‘ynagan Turinning "Yuventus"iga qaytishga yaqin turibdi. La Gazette Dello Sport xabariga ko‘ra, "keksa sinyora" 29 yoshli italiyalikka shartnoma taklif qiladi, ammo buning uchun jamoa birinchi navbatda "Atletiko Madrid"ga ijara asosida o‘tishga yaqin turgan hujumchi Moyse Kin bilan xayrlashishi kerak.
Eslatib o‘tamiz, Bernardeski 2022 yilning yozida erkin agent sifatida "Toronto"ga ko‘chib o‘tgandi. Ayni damda “Fiorentina”ning sobiq futbolchisi “Yuventus”ga qaytishga tayyor.
Avvalroq Bernardeski "Yuventus" tarkibida 183 ta o‘yin o‘tkazib, 12 ta gol va 24 ta golli uzatmani amalga oshirgan.