"Bavariya" yarim himoyachisi Leroy Sane faoliyatini "PSJ"da davom ettirishi mumkin. Bu haqda Real Madrid Exclusivo xabar tarqatdi.
Manba bergan xabarga ko‘ra, fransuz klubi 28 yoshli germaniyalikning xizmatlariga qiziqish bildirmoqda va uni kelasi yozda jamoani tark etishi mumkin bo‘lgan Kilian Mbappega o‘rinbosar sifatida ko‘rmoqda. Qayd etilishicha, Sanega parijliklarning ispaniyalik murabbiyi Luis Enrike yoqadi.
Sanening "Bavariya" bilan amaldagi shartnomasi 2025 yilning yoziga qadar tuzilgan. Transfermarkt portali Germaniya terma jamoasi futbolchisini 80 million yevroga baholamoqda.