Angliyaning "Nyukasl" klubi yaqinda "Bavariya"ning transfer maqsadiga aylangan o‘ng qanot himoyachisi Kiran Trippyer borasida bir qarorga keldi. The Telegraph jurnalisti Lyuk Edvardsning xabar berishicha, "qarg‘alar" ushbu transfer oynasida 33 yoshli angliyalikdan voz kechishmaydi.

Eslatib o‘tamiz, "Bavariya" sotib olish imkoniyati bilan ijaraga olish variantini ko‘rib chiqdi, ammo bunday shartlar "Nyukasl"ga mos kelmadi. Trippyerning o‘zi "Bavariya"ga o‘tishga tayyor edi, ammo "qarg‘alar"ning pozisiyasi tufayli transfer amalga oshishi dargumon.

Trippyer joriy mavsumda APLda 7 ta golli uzatmani amalga oshirdi. "Bavariya"da allaqachon ikkita ingliz futbolchisi o‘ynamoqda - Xarri Keyn va Erik Dayer, ular bilan oldin Kiran "Tottenxem"da o‘ynagan.