Англиянинг "Ньюкасл" клуби яқинда "Бавария"нинг трансфер мақсадига айланган ўнг қанот ҳимоячиси Киран Триппьер борасида бир қарорга келди. The Telegraph журналисти Люк Эдвардснинг хабар беришича, "қарғалар" ушбу трансфер ойнасида 33 ёшли англияликдан воз кечишмайди.
Эслатиб ўтамиз, "Бавария" сотиб олиш имконияти билан ижарага олиш вариантини кўриб чиқди, аммо бундай шартлар "Ньюкасл"га мос келмади. Триппьернинг ўзи "Бавария"га ўтишга тайёр эди, аммо "қарғалар"нинг позицияси туфайли трансфер амалга ошиши даргумон.
Триппьер жорий мавсумда АПЛда 7 та голли узатмани амалга оширди. "Бавария"да аллақачон иккита инглиз футболчиси ўйнамоқда - Харри Кейн ва Эрик Дайер, улар билан олдин Киран "Тоттенхэм"да ўйнаган.
