"Barselona" prezidenti Joan Laporta yaqinda bo‘lib o‘tgan "Real Madrid" uchrashuvida hakamlar ishidan noroziligini yashirmadi.
Yakshanba kuni “Los Blankos” 99-daqiqada Daniyel Karvaxalning goli evaziga “Almeriya” ustidan 3:2 hisobida g‘alaba qozondi.
Xabar berib o‘tganimizdek, "Barselona" bu o‘yinda hakamning qarorlaridan hafsalasi pir bo‘lgan va endi bu haqda "ko‘k-anorranglilar" prezidenti ochiq gapirdi.
“Kecha “Bernabeu”da yuz bergan voqea sharmandalik. Mavsum davomida hakamlarga ko‘rsatilayotgan bosimga qarshi nimadir qilish kerak, deb o‘ylayman”, - dedi Laporta.