"Bavariya"ning chap qanot himoyachisi Alfonso Devis o‘zining eng yaxshi o‘yinini ko‘rsatmayapti.
Kanadalik futbolchi uzoq vaqtdan beri "Real Madrid"ning transfer maqsadlaridan biri bo‘lib kelgan va bu yozda, aftidan, La Liga gigantlari kelishuvga erishmoqchi.
Jurnalist Filipp Kesslerning so‘zlariga ko‘ra, so‘nggi paytlarda Devisning o‘yini myunxenliklar rahbariyatining ko‘proq tanqidiga uchragan.
Klub ichidagilarning fikricha, 23 yoshli futbolchining o‘yinlariga salbiy ta’sir ko‘rsatayotgan jihat – uning "Real"ga yaqin orada o‘tishi haqidagi doimiy mish-mishlar.
Alfonso Devisning "Bavariya" bilan shartnomasi 2025 yilgacha mo‘ljallangan. Yangi kelishuv bo‘yicha muzokaralar o‘tgan yilning bahorida to‘xtab qolgan edi.
