"Mavsum-2024"ni munosib o‘tkazish hamda o‘zining suyukli muxlislariga yanada ko‘proq quvonchli lahzalarni ulashish maqsadi ustivor bo‘lgan "Andijon" jamoasining bu borada tarkibni shunga mos ravishda shakllantirish ustida ham ish olib bormoqda.

Nafaqat, yangi futbolchilar bilan shartnoma imzolash, balki mavjud tarkibdagi o‘yinchilar bilan ham shartnomalarni uzaytirish masalasiga ham alohida e’tibor qaratilmoqda.

Jumladan, “Andijon” jamoasining 10-raqam egasi hisoblangan ajoyib futbolchi Ilhom Abdug‘aniyev bilan amaldagi shartnoma shu yilning oxirigacha mo‘ljallangandi. Yangi shartnomaga ko‘ra esa uning amal qilish muddati endi 2025 yil oxiriga qadar o‘z kuchida bo‘ladi.

Abdug‘aniyev o‘tgan mavsumda 24 ta uchrashuvda maydonga tushganini yodga olish darkor.

"Burgutlar" sharafini 2021 yildan buyon munosib himoya qilib kelayotgan 10-raqam egasi jamoa uchun bor kuchi va imkoniyatini ishga solishda davom etishiga ishonamiz" - deyiladi andijonliklarning rasmiy saytida.