Yaponiyalik vinger, “Real Sosyedad" a’zosi Takefusa Kubo faoliyatini Angliya premyer-ligasida davom ettirishi mumkin.

Relevo xabariga ko‘ra, "Liverpul" allaqachon 22 yoshli Kuboning transferi borasida ispan klubi bilan bog‘langan, biroq futbolchining o‘zi mersisaydliklar safiga o‘tishdan bosh tortgan.

Qayd etilishicha, Kubo mavsumni “Real Sosyedad”da yakunlashga qaror qilgan. Manbaga ko‘ra, "Liverpul" vingerga qiziqishni yo‘qotgani yo‘q va uni yozgi transfer oynasida yana sotib olishga harakat qiladi.

Joriy mavsumda Kubo barcha turnirlarni hisobga olgan holda 25 ta uchrashuvda maydonga tushib, 6 ta gol urdi va 4 ta golli uzatmani amalga oshirdi.