Япониялик вингер, “Реал Сосьедад" аъзоси Такефуса Кубо фаолиятини Aнглия премьер-лигасида давом эттириши мумкин.
Relevo хабарига кўра, "Ливерпуль" аллақачон 22 ёшли Кубонинг трансфери борасида испан клуби билан боғланган, бироқ футболчининг ўзи мерсисайдликлар сафига ўтишдан бош тортган.
Қайд этилишича, Кубо мавсумни “Реал Сосьедад”да якунлашга қарор қилган. Манбага кўра, "Ливерпуль" вингерга қизиқишни йўқотгани йўқ ва уни ёзги трансфер ойнасида яна сотиб олишга ҳаракат қилади.
Жорий мавсумда Кубо барча турнирларни ҳисобга олган ҳолда 25 та учрашувда майдонга тушиб, 6 та гол урди ва 4 та голли узатмани амалга оширди.
