"Bavariya" Alfonso Devisga "Real"dan ko‘proq pul to‘lashga tayyor.
Himoyachining Myunxen klubi bilan shartnomasi 2025 yilning yoziga qadar mo‘ljallangan. Kanadalik futbolchining transferiga "Real" qiziqish bildirmoqda.
Marca xabariga ko‘ra, "Bavariya" futbolchini yo‘qotish niyatida emas va unga yiliga 10 million yevro maosh bilan yangi shartnoma taklif qilgan. Devis hali rozi bo‘lmagan.
Agar himoyachi "Real"ga o‘tishni istasa, unchalik qulay bo‘lmagan moliyaviy shartlar bilan shartnoma imzolashi kerak bo‘ladi.
Bundesliganing joriy mavsumida Devis 16 o‘yin o‘tkazib, 3 ta golli uzatmani amalga oshirdi.
