"Бавария" Альфонсо Дэвисга "Реал"дан кўпроқ пул тўлашга тайёр.
Ҳимоячининг Мюнхен клуби билан шартномаси 2025 йилнинг ёзига қадар мўлжалланган. Канадалик футболчининг трансферига "Реал" қизиқиш билдирмоқда.
Marca хабарига кўра, "Бавария" футболчини йўқотиш ниятида эмас ва унга йилига 10 миллион евро маош билан янги шартнома таклиф қилган. Дэвис ҳали рози бўлмаган.
Агар ҳимоячи "Реал"га ўтишни истаса, унчалик қулай бўлмаган молиявий шартлар билан шартнома имзолаши керак бўлади.
Бундеслиганинг жорий мавсумида Дэвис 16 ўйин ўтказиб, 3 та голли узатмани амалга оширди.
