"Liverpul" hujumchisi Muhammad Saloh jarohatidan forig‘ bo‘lib, 2023 yilgi Afrika Millatlar Kubogi uchun Misr terma jamoasiga qaytishga ulgurishiga umid bildirdi.
"Kecha men davolanish va reabilitasiya dasturini boshladim va kelishilgandek, imkon qadar tezroq jamoaga qaytishga tayyor bo‘lish uchun hamma narsani qilaman", - deb yozdi Saloh ijtimoiy tarmoqlarda.
Saloh Afrika kubogidagi jarohatidan forig‘ bo‘lish uchun hafta oxirida Liverpulga qaytdi. 31 yoshli forvard Gana terma jamoasi bilan 2-tur o‘yinida (2:2) jarohat olgandi.
“Fir’avnlar” pley-off bosqichiga chiqdi va 28 yanvar kuni Kongo Demokratik Respublikasiga qarshi 1/8 finalda o‘ynaydi.
