"Real"ning braziliyalik himoyachisi Eder Militao Madrid klubi prezidenti Florentino Peres haqida gapirdi. Eslatib o‘tamiz, 15 yanvar kuni funksioner jamoa bilan o‘zining 33-kubogini qo‘lga kiritib, 32 sovringa ega bo‘lgan Santyago Bernabeuni ortda qoldirib, Madrid klubi tarixidagi eng titulli prezidentga aylandi.
“U futbolda hurmatga sazovor inson. Faqat uning ismini aytish bilan siz uning hikoyasini allaqachon bilasiz va sizga boshqa hech narsa kerak emas. U biz uchun juda ko‘p narsani anglatadi. U barchamizga juda mehribon inson. U aql bovar qilmaydigan inson", - deya Militaoning so‘zlarini keltiradi klub rasmiy sayti.
Braziliyalik himoyachi 2019 yilda "Portu"dan "Qirollik klubi"ga o‘tgan edi. Bu davrda u barcha turnirlarda 143 ta uchrashuvda qatnashib, 11 ta gol va 5 ta golli uzatmani amalga oshirgan.
