"Реал"нинг бразилиялик ҳимоячиси Эдер Милитао Мадрид клуби президенти Флорентино Перес ҳақида гапирди. Эслатиб ўтамиз, 15 январь куни функционер жамоа билан ўзининг 33-кубогини қўлга киритиб, 32 совринга эга бўлган Сантьяго Бернабеуни ортда қолдириб, Мадрид клуби тарихидаги энг титулли президентга айланди.
“У футболда ҳурматга сазовор инсон. Фақат унинг исмини айтиш билан сиз унинг ҳикоясини аллақачон биласиз ва сизга бошқа ҳеч нарса керак эмас. У биз учун жуда кўп нарсани англатади. У барчамизга жуда меҳрибон инсон. У ақл бовар қилмайдиган инсон", - дея Милитаонинг сўзларини келтиради клуб расмий сайти.
Бразилиялик ҳимоячи 2019 йилда "Порту"дан "Қироллик клуби"га ўтган эди. Бу даврда у барча турнирларда 143 та учрашувда қатнашиб, 11 та гол ва 5 та голли узатмани амалга оширган.
