"Chelsi" bosh murabbiyi Maurisio Pochettino Angliya kubogi 1/16 doirasidagi "Aston Villa"ga (0:0) qarshi o‘yindagi durang haqida fikr bildirdi.
“Juda yaxshi o‘yin. Uchrashuv boshida ko‘proq ustunlik qildik. Keyin ikkinchi bo‘limda, ya’ni 70-daqiqadan so‘ng, uch kun oldin o‘ynaganimiz uchun kuchimiz yo‘qola boshladi va tabiiyki, uchrashuv boshidan katta farq bor edi. Biz kuchga to‘lgan paytimizda maydonning eng yaxshi jamoasi edik.
Endi biz o‘yinni takrorlash, davom ettirish va keyingi o‘yinga futbolchilarni qaytarishga harakat qilish haqida o‘ylashimiz kerak", - deya Pochettino so‘zlarini keltirmoqda BBC.com
Eslatib o‘tamiz, “Chelsi” va “Aston Villa” birinchi o‘yin natijasiga ko‘ra qarama-qarshilikda eng kuchlini aniqlay olmadi. Endi takroriy o‘yin bo‘ladi.
