"Galatasaroy" himoyachisi Sasha Boe faoliyatini "Bavariya"da davom ettiradi. Bu haqda jurnalist Florian Plettenberg xabar bermoqda.
Manba bergan xabarga ko‘ra, bugun, 27 yanvar kuni 23 yoshli futbolchi tibbiy ko‘rikdan o‘tish uchun Myunxenga keladi. Qayd etilishicha, klublar ushbu transferning barcha tafsilotlari bo‘yicha kelishib olishgan.
Avvalroq "Bavariya" Boe uchun bonuslarni hisobga olmaganda 30 million yevro to‘lashi haqida xabar berilgandi.
Joriy mavsumda fransiyalik himoyachi “Galatasaroy” safida 31 ta o‘yinda maydonga tushib, 2 ta gol urishga erishdi. Transfermarkt Boeni 22 million yevroga baholamoqda.
