"Галатасарой" ҳимоячиси Саша Боэ фаолиятини "Бавария"да давом эттиради. Бу ҳақда журналист Флориан Плеттенберг хабар бермоқда.
Манба берган хабарга кўра, бугун, 27 январь куни 23 ёшли футболчи тиббий кўрикдан ўтиш учун Мюнхенга келади. Қайд этилишича, клублар ушбу трансфернинг барча тафсилотлари бўйича келишиб олишган.
Аввалроқ "Бавария" Боэ учун бонусларни ҳисобга олмаганда 30 миллион евро тўлаши ҳақида хабар берилганди.
Жорий мавсумда франциялик ҳимоячи “Галатасарой” сафида 31 та ўйинда майдонга тушиб, 2 та гол уришга эришди. Transfermarkt Боэни 22 миллион еврога баҳоламоқда.
