Markus Reshford kasalligi tufayli "Nyuport"ga qarshi o‘yinni o‘tkazib yuboradi.
"Reshford kasal bo‘lganidan keyin "Nyuport"ga qarshi o‘yinda ishtirok etish uchun yetarli darajada tayyor emas. U tuzalib ketish maqsadida Karringtonda mashg‘ulot o‘tkazish uchun qoldi", deb xabar berdi "Manchester Yunayted".
Eslatib o‘tamiz, avvalroq ijtimoiy tarmoqlarda “Yunayted” forvardi chorshanba kuni kechqurun Shimoliy Irlandiya poytaxti Belfastdagi tungi klubga kirgani aks etgan video paydo bo‘lgan edi.
Reshfordga yaqin manbalarning aytishicha, u ovqat yeyish uchun kelgan va kasallik tufayli qaytish parvozini kechiktirgan.
"Manchester Yunayted" bosh murabbiyi Erik ten Xag juma kuni bo‘lib o‘tgan matbuot anjumanida futbolchi "kasal" bo‘lgani uchun jamoaning ertalabki mashg‘ulotlarini o‘tkazib yuborganini aytdi.
