Маркус Рэшфорд касаллиги туфайли "Ньюпорт"га қарши ўйинни ўтказиб юборади.
"Рэшфорд касал бўлганидан кейин "Ньюпорт"га қарши ўйинда иштирок этиш учун етарли даражада тайёр эмас. У тузалиб кетиш мақсадида Каррингтонда машғулот ўтказиш учун қолди", деб хабар берди "Манчестер Юнайтед".
Эслатиб ўтамиз, аввалроқ ижтимоий тармоқларда “Юнайтед” форварди чоршанба куни кечқурун Шимолий Ирландия пойтахти Белфастдаги тунги клубга киргани акс этган видео пайдо бўлган эди.
Рэшфордга яқин манбаларнинг айтишича, у овқат ейиш учун келган ва касаллик туфайли қайтиш парвозини кечиктирган.
"Манчестер Юнайтед" бош мураббийи Эрик тен Хаг жума куни бўлиб ўтган матбуот анжуманида футболчи "касал" бўлгани учун жамоанинг эрталабки машғулотларини ўтказиб юборганини айтди.
