"Jirona" bosh murabbiyi Michel "Barselona"ga o‘tishi mumkinligi haqidagi savolga javob berdi. Avvalroq, «ko‘k-anorranglilar» 48 yoshli mutaxassisni jamoa murabbiyi lavozimiga ko‘rib chiqayotgani haqida xabar berilgandi.
Eslatib o‘tamiz, “Barselona” bosh murabbiyi Xavi Ernandes joriy mavsum yakunida iste’foga chiqishini e’lon qilingan edi.
"Barselona"ning yangi murabbiyi bo‘lishim mumkinmi? Yo‘q. E’tiborimni “Jirona”ga qaratganman. Xavi "Barselona"ni hammadan ko‘ra yaxshi biladi va mening shartnomam 2026 yilgacha amal qiladi", - deya Misheldan iqtibos keltiradi Diario Sport.
