Belgiyaning “Bryugge” klubi hujumchisi Antonio Nusa faoliyatini “Brentford”da davom ettiradi.

Standart Sport nashri xabariga ko‘ra "Brentford" 18 yoshli iqtidorli vingerni qo‘lga kiritish uchun kurashda barcha raqiblaridan oldinda ekanini tushunadi.

Xabar qilinishicha, transfer summasi 29,3 million yevroni tashkil qiladi. Manbaga ko‘ra, Nusa tez orada tibbiy ko‘rikdan o‘tish va kelishuvni yakunlash uchun Angliyaga uchib ketadi.

Qayd etilishicha, bundan so‘ng futbolchi “Bryugge”ga qaytadi va u yerda mavsumning qolgan qismini ijara asosida o‘tkazadi.