O‘zbekiston terma jamoasi bosh murabbiyi Srechko Katanes Osiyo kubogi nimchorak final bosqichi doirasida bo‘lib o‘tgan Tailandga qarshi o‘yindan keyin matbuot anjumanida ishtirok etdi.

"O‘yinchilarni tabriklayman. Ular yaxshi mehnat qilishdi. Umid qilaman, muxlislarni xursand etdik.

Birinchi bo‘limda vaziyatlardan unumli foydalana olganimizda ko‘proq gol urgan bo‘lardik. Shunda ikkinchi bo‘limda ishimiz ancha osonlashardi. Agar keyingi o‘yinda buncha vaziyatni qo‘ldan chiqarsak, oldingi yurishimiz qiyin bo‘ladi.

Bugungi bahs oldidan ba’zi muammolarga duch keldik. Shukurov kasal bo‘lib qolgani uchun o‘yinda ishtirok eta olmadi. Safimizda jarohatlanganlar ko‘p. Shunga qaramay, yaxshi o‘yin ko‘rsatdik, futbolchilar o‘z ishlarini yaxshi bajarishdi.

Diyor Xolmatov juda yaxshi o‘yin o‘tkazdi. Uning sa’y-harakatlari evaziga birinchi bo‘limda yaxshi o‘ynadik. Yuqori qavatdagi kurashda g‘olib chiqqanimiz uchun hujumlar tashkil qildik. Diyor texnik jihatdan juda iqtidorli va maydonda ko‘p yugurdi. Uning kelajagi porloq. Ammo u bosqichma-bosqich o‘sishda davom etishi kerak", — dedi Katanes.