Angliyada Premyer-liganing yigirma ikkinchi tur uchrashuvlari boshlandi, “Fulxem” o‘z maydonida “Everton”ni qabul qildi, ammo g‘alaba qozona olmadi – o‘yin 0:0 hisobida yakunlandi.
Londonliklar ustozi Marko Silva o‘yin natijalari haqida fikr bildirdi, u o‘z jamoasiga gol va g‘alabalar kelishiga ishonch bildirdi.
"Juda shiddatli o‘yin, bizda ham, raqibda ham imkoniyatlar bo‘ldi, lekin menimcha, biz ustunlik qildik.
Biz ko‘proq hujum qildik, ko‘proq zarba berdik, ko‘proq burchak zarbalarini oldik. Gol ura olmaganimiz achinarli, lekin futbolchilar buning uchun hamma narsani qilishdi va gollar kelaveradi.
Qachonki imkoniyatlar yaratsangiz, ular albatta keladi", - deya portugaliyalik murabbiyning so‘zlarini keltiradi BBC Sport.
