Aнглияда Премьер-лиганинг йигирма иккинчи тур учрашувлари бошланди, “Фулхэм” ўз майдонида “Эвертон”ни қабул қилди, аммо ғалаба қозона олмади – ўйин 0:0 ҳисобида якунланди.
Лондонликлар устози Марко Силва ўйин натижалари ҳақида фикр билдирди, у ўз жамоасига гол ва ғалабалар келишига ишонч билдирди.
"Жуда шиддатли ўйин, бизда ҳам, рақибда ҳам имкониятлар бўлди, лекин менимча, биз устунлик қилдик.
Биз кўпроқ ҳужум қилдик, кўпроқ зарба бердик, кўпроқ бурчак зарбаларини олдик. Гол ура олмаганимиз ачинарли, лекин футболчилар бунинг учун ҳамма нарсани қилишди ва голлар келаверади.
Қачонки имкониятлар яратсангиз, улар албатта келади", - дея португалиялик мураббийнинг сўзларини келтиради BBC Sport.
