"Manchester Yunayted" hujumchisi Markus Reshford jamoani tark etmaydi.

Eslatib o‘tamiz, futbolchi avvalroq tungi klubga tashrif buyurib, u yerda mast holda ko‘ringani uchun mashg‘ulotlardan chetlashtirilgandi.

TalkSPORT nashri xabariga ko‘ra, "Manchester Yunayted" 26 yoshli futbolchini so‘nggi xatti-harakatlariga qaramay sotmaslikka qaror qilgan. Manbaga ko‘ra, jamoa bosh murabbiyi Erik ten Xagning fikricha, u Reshford bilan yaxshi munosabatlarni davom ettirmoqda.

Oldinroq “qizil iblislar” matbuot xizmati voqea to‘liq bartaraf etilganini ma’lum qilgandi. Joriy mavsumda Reshford barcha turnirlarda 26 ta o‘yin o‘tkazib, 4 ta gol urdi va 6 ta golli uzatmani amalga oshirdi.