"Манчестер Юнайтед" ҳужумчиси Маркус Рэшфорд жамоани тарк этмайди.

Эслатиб ўтамиз, футболчи аввалроқ тунги клубга ташриф буюриб, у ерда маст ҳолда кўрингани учун машғулотлардан четлаштирилганди.

ТalkSPORT нашри хабарига кўра, "Манчестер Юнайтед" 26 ёшли футболчини сўнгги хатти-ҳаракатларига қарамай сотмасликка қарор қилган. Манбага кўра, жамоа бош мураббийи Эрик тен Хагнинг фикрича, у Рэшфорд билан яхши муносабатларни давом эттирмоқда.

Олдинроқ “қизил иблислар” матбуот хизмати воқеа тўлиқ бартараф этилганини маълум қилганди. Жорий мавсумда Рэшфорд барча турнирларда 26 та ўйин ўтказиб, 4 та гол урди ва 6 та голли узатмани амалга оширди.