"Barselona" bosh murabbiyi Xavi Ernandes Robert Levandovskining o‘yini haqida o‘z fikrlari bilan o‘rtoqlashdi.
Bu mavsumda polshalik forvard odatdagidek ko‘p gol urmayapti. "Osasuna"ga qarshi o‘yinda 35 yoshli futbolchi yana gol ura olmadi - hozirda uning hisobida 29 ta o‘yinda 13 ta gol bor. Biroq “ko‘k-anorranglilar” kechagi uchrashuvda yangi kelgan Vitor Rokening aniq zarbasi evaziga g‘alaba qozonishdi (1:0).
“Men bu hafta Levandovski bilan ko‘p gaplashdim. O‘ylaymanki, u ko‘proq gol urishi, maydonda o‘zgarishlar qilishi kerak”, — dedi Xavi.
