Latviya hukumati o‘z milliy terma jamoalariga Rossiya va Belarus jamoalari bilan aloqa o‘rnatishni qonuniy ravishda taqiqladi. Bugun, 1 fevral kuni latviyaliklar sport to‘g‘risidagi qonunga o‘zgartirishlarni qabul qilishdi. Endilikda mamlakat hududida Rossiya yoki Belarus sportchilari ishtirokida musobaqalar o‘tkazish rasman taqiqlangan. Bundan tashqari, latviyalik sportchilarga boshqa davlatlar hududida qayd etilgan jamoalar bilan o‘ynashi taqiqlangan.
Ta’kidlash joizki, cheklov kattalar va yoshlar jamoalariga ham tegishli. Shu bilan birga, latviyalik sportchilarga neytral bayroq ostida bo‘lsa ham, ruslar va belaruslar bilan o‘ynashga ruxsat berilmaydi.
Qonunning asosiy maqsadi Ukraina bilan birdamlikni ta’kidlash va "Rossiyaning sport orqali jinoyatlarni qonuniylashtirishiga yo‘l qo‘ymaslik", deyiladi tuzatishlar izohida.
Eslatib o‘tamiz, Rossiya klublari va terma jamoalari jahondagi siyosiy vaziyat tufayli FIFA va UYEFA qarori bilan xalqaro futbol turnirlaridan chetlashtirildi.
