Латвия ҳукумати ўз миллий терма жамоаларига Россия ва Беларусь жамоалари билан алоқа ўрнатишни қонуний равишда тақиқлади. Бугун, 1 февраль куни латвияликлар спорт тўғрисидаги қонунга ўзгартиришларни қабул қилишди. Эндиликда мамлакат ҳудудида Россия ёки Беларусь спортчилари иштирокида мусобақалар ўтказиш расман тақиқланган. Бундан ташқари, латвиялик спортчиларга бошқа давлатлар ҳудудида қайд этилган жамоалар билан ўйнаши тақиқланган.
Таъкидлаш жоизки, чеклов катталар ва ёшлар жамоаларига ҳам тегишли. Шу билан бирга, латвиялик спортчиларга нейтрал байроқ остида бўлса ҳам, руслар ва беларуслар билан ўйнашга рухсат берилмайди.
Қонуннинг асосий мақсади Украина билан бирдамликни таъкидлаш ва "Россиянинг спорт орқали жиноятларни қонунийлаштиришига йўл қўймаслик", дейилади тузатишлар изоҳида.
Эслатиб ўтамиз, Россия клублари ва терма жамоалари жаҳондаги сиёсий вазият туфайли ФИФА ва УЕФА қарори билан халқаро футбол турнирларидан четлаштирилди.
