"Manchester Yunayted" uzoq vaqtdan beri Markus Reshfordning turmush tarzidan xavotirda.
Eslatib o‘tamiz, o‘tgan hafta Reshford tungi klubga tashrif buyurgani, keyin esa mashg‘ulotlarni va Angliya kubogi doirasidagi "Nyuport"ga qarshi o‘yinni "kasalligi tufayli" o‘tkazib yuborgani ma’lum bo‘lgan edi. Markus 650 ming funt jarimaga tortilishi mumkinligi haqida ma’lumot bor edi.
The Sun nashrining yozishicha, Reshfordning ziyofatga bo‘lgan muhabbati 2021 yilda "Manchester Yunayted" rahbariyatini tashvishga solgan.
Ma’lumotlarga ko‘ra, "Manchester Yunayted" forvardini bir necha bor kazinoda ko‘rishgan va u avvalroq o‘z jamoadoshlari bilan poker o‘ynagan. Bundan tashqari, Markusning xulq-atvoriga oilaviy muammolar va bolaligida tanishgan qiz do‘sti Lyuchiya Loi bilan ajralishi salbiy ta’sir ko‘rsatdi.
Qayd etilishicha, "Manchester Yunayted"ning sobiq futbolchisi Ueyn Runi vaziyatni muhokama qilish va uni qo‘llab-quvvatlash uchun Markus bilan bog‘langan. U "Derbi Kaunti"da ishlayotgan vaqtida Reshfordga qo‘ng‘iroq qilib, unga maslahat berishga doim tayyor bo‘lishini aytdi. David Bekxem va Rio Ferdinand ham hujumchi bilan gaplashgan.
